Om Hendug Bygg
Hendug Bygg vart etablert i 2012 etter ei samanslåing av Grøthe og Furulaft, og vart med dette ein leiande aktør i byggebransjen i Hallingdal. Furulaft vart stifta i 1995 og Grøthe i 1981, så til saman gir det Hendug ein god porsjon erfaring.
Verksemdene hadde solid og sunn økonomi, og same styringsprinsipp er ført vidare med Hendug.
Hendug er eigd av dei tilsette. Dette gir motiverte tilsette og stabil arbeidskraft med fokus på langsiktigheit i drift og utvikling.
Hendug sin visjon er:
Vera det mest ettertrakta byggefirmaet for arbeidstakarar, kundar og samarbeidspartnarar i Hallingdal
Me er sikker på at fornøgde tilsette gir gode prosjekt og leveransar, og gjennom dette fornøgde kundar.
Henduge og erfarne fagfolk med fokus på kvalitet bygger anneks, hytter og hus i tømmer (laft/ stavlaft) og bindingsverk, og Hendug tilbyr sine tenester i heile Hallingdal; frå Flå til Hol.
Hendug har naudsynt lokalkunnskap om geografi, topografi og byggetradisjonar, samt nyttar kortreist og lokal arbeidskraft, råvarer og samarbeidspartnarar når det er mogleg og hensiktsmessig.
Hendug har tilsette med mykje erfaring og verdifull kompetanse, og jobbar kontinuerleg, målretta og langsiktig med å overføre dette til nye tilsette, slik at ein ikkje skal få ein «forgubbing» eller at nyttig kunnskap skal gå tapt.
Hendug er alltid på jakt etter nye, dyktige arbeidstakarar som kan styrke vår leveranseevne og ta del i eit godt og trygt arbeidsmiljø. Ta kontakt om du er interessert i å jobbe i Hendug!
